Касцёл Святого Антонія – размешчаны на паўднёвай ускраіне горада. Да пачатку 20 ст. існаваў драўляны парафіяльны касцёл. Намаганнямі ксяндза Бернатовіча было распачата будаўніцтва новага храма ў стылі неаготыкі. Храм быў асвячоны 6 жніўня 1912 года ксяндзом Красоўскім у гонар Святога Антонія. Касцёл пабудаваны з чырвонай цэглы. Зараз знаходзіцца ў стадыі рэстаўрацыі.
